Fíggjarmálaráðið vil strika lønarhækkan

08.05.2020 - 18:37
AktueltPengar
Fíggjarmálaráðið vil strika lønarhækkan
Fíggjarmálaráðið vil strika lønarhækkan upp á smáar 600 krónur til limir Starvsmannafelagnum , sum kemur í gildi í heyst
 

Fíggjarmálaráðið ynskir at strika lønarhækkanina upp á smáar 600 krónur til limir í Starvsmannafelagnum, sum kemur í gildi 1. oktober í ár.

Tað er greitt, eftir at Starvsmannafelagið var á fundi við Fíggjarmálaráðið mikudagin.

Landsstýrismaðurin í fíggjarmálum, Jørgen Niclasen, tók stig til fundin.

Nýggjur sáttmáli varð undirskrivaður millum fíggjarmálaráðið og Starvsmannafelagið síðst í januar í ár. Hann hevði við sær eina lønarhækkan upp á smáar 800 krónur fyri lægru lønarbólkarnar og smáar 600 krónur fyri hægru bólkarnar frá 1. oktober í fjør.

Sambært sáttmálanum hækkar lønin hjá øllum lønarbólkum við 2.25 prosentum 1. oktober í ár. Tað svarar til umleið 600 krónur, men fíggjarmálaráðið ynskir, at hendan hækkanin verður strikað.

Onnur fakfeløg eisini á fundi

Súni Selfoss, formaður í Starvsmannafelagnum, sigur, at felagið hevur hoyrt ynski frá fíggjarmálaráðnum, men at tað skal viðgerast væl og virðiliga av nevnd og ráðgevum, áðrenn nøkur niðurstøða verður gjørd.

Núverandi sáttmáli umfatar umleið 1500 limir.

Landsstýrismaðurin í fíggjarmálum váttar fyri Kringvarpinum, at hann hevur verið á fundi við fakfeløg í vikuni. 

Tey fakfeløgini, hvørs sáttmálar gingu út 1. oktober í fjør, og sum enn ikki hava fingið nýggjan sáttmála, hava verið á felags fundi við fíggjarmálaráðið, og skotið hevur verið upp at hava felags samráðingar fyri hesi.
 

 
Nýggjastu sendingar í ÚV
Fríggjadag 7. august
Summartímin hósdag 6. august
112060
Fríggjadag 7. august
Morgunlesturin fríggjamorgunin 7. august 2020
111745
Mikudag 5. august
Ein táttur er silvur 5. partur
112000
Nýggjastu sendingar í SV
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809
Mikudag 29. juli
Tingið verður sett
111807