Samráðast aftur 3. juni

Starvsmannafelagið og Kommunala arbeiðsgevarafelagið hava avtalað at taka samráðingarnar uppaftur um nýggja sáttmálan. 

Eftir ætlan hittast partarnir aftur við samráðingarborðið 3. juni. 

Seinasti fundur millum Starvsmannafelagið og Kommunala Arbeiðsgevarafelagið var 3. mars í ár. Støðan við koronu gjørdi, at steðgur kom í samráðingarnar.

KAF vildi eisini bíða við at taka samráðingarnar uppaftur, fyrr enn Starvsmannafelagið hevði tikið støðu til áheitanina frá Fíggjarmálaráðnum um at strika lønarhækkingina 1. oktober í ár.

Sambært Súna Selfoss, formanni í Starvsmannalfelagnum, vóru partarnir nær við at gera semju, tá neyðugt var at hava steðg í samráðingunum.