Video: Soleiðis sær vrakið eftir Principia út

19.05.2020 - 10:32
AktueltUmhvørvi
Video: Soleiðis sær vrakið eftir Principia út
Principia, sum sakk út fyri Søltuvík í 1895, er í syndarligum standi í dag. Andrias Joensen var annar kavarin, sum vitjaði vrakið um vikuskiftið
 

Á 30 metra dýpi, góðar 300 metrar út fyri Søltuvík, liggur eitt forvitnisligt gamalt skipsvrak.

Tað er skipið Principia, sum sakk fyri 125 árum síðani.

Skipið setti í november 1895 kós móti Amerika úr Skotlandi; men ein illveðursdag kom eldur í skipið, og teir settu kós móti Skotlandi. Skipið endaði í Føroyum, og fór á land á Stóraboða í Søltuvík.

29 mans vóru umborð. Bert einum var lív lagað. Hann rak á lastalúku í 14 tímar og varð bjargaður í Kirkjubø. Lastalúkan verður í dag brúkt sum borð í gomlu húsunum í Kirkjubø.

Vrakið varð funnið í 1970'unum. Og um aldarskiftið eydnaðist kavarum at fáa fatur á akkerinum, sum liggur í Søltuvík við síðuna av minnisvarðanum.

19 ár seinni - um vikuskiftið - fóru tveir kavarar úr Tórshavnar Froskmannfelag aftur at leita.

Ein teirra var Andrias Joensen, og hann hevði myndatólið við.

Her er samrøða við Andrias Joensen um kavingina.

1372274

Myndatólið kundi eisini taka video. Soleiðis sær tað út:

vrak2

Kavingin var partur av eini rannsóknarferð, sum Tórshavnar Froskmannafelag gjørdi í Sandoy um vikuskiftið.

Leygardagin kavaðu teir í Dali og á Sandi. Sunnudagin kavaðu teir í Søltuvík.

Her sæst øll manningin umborð á Teistanum.

Kavararnir noyddist at svimja góðar 300 metrar út til Stóraboða, áðrenn teir kavaðu.

Tað er syndarligt at siga, at vrakið eftir Principia er í góðum standi.

 
Nýggjastu sendingar í ÚV
Leygardag 28. november
Á Quiztinum - 2. hálvfinala
116908
Leygardag 28. november
TEMAPLÁTAN: Eye of the Tiger, Survivor, 1982
116907
Leygardag 28. november
Jambalaja 281120
116905
Leygardag 28. november
Morgunlesturin leygarmorgunin 28. november 2020
116533
Nýggjastu sendingar í SV
Leygardag 28. november
Fótbóltur: Víkingur - B36
116909
Hósdag 26. november
Vit herja á! 2:3
116827
Týsdag 24. november
Atlantshavið (3:3): Úr Himni í helheim
116727
Mánadag 23. november
3-2
116682
Sunnudag 22. november
Andakt við Sonju I. Jacobsen
116610