Landskassin lænir tríggjar milliardir

Landskassin hevur lænt tríggjar milliardir krónur.

Landsstýrið tók í gjár knappar tríggjar mia. kr. í láni. Umleið helvtin av upphæddini skal nýtast til at rinda aftur lán, sum fellur til gjaldingar 11. juni. 

Hin parturin, sum er 1,6 mia. kr., skal nýtast til at fíggja eitt væntað hall á fíggjarlógini í ár og næsta ár, orsakað av koronakreppuni. 

Sostatt veksur lánsbrævaskuldin hjá landskassanum við 1,6 mia. kr.

Lánsbrøv

Lánsbrøv eru seld fyri tríggjar milliardir kr.

Eitt tvey ára lánsbræv og eitt fimm ára lánsbræv. Sølan var fyrrapartin í gjár, og hon  gekk sera væl, skrivar Fíggjamálaráðið á heimasíðuni. 

Keypararnir løgdu boð inn fyri 7,3 mia. kr. tilsamans, ið merkir at áhugin fyri føroyskum lánsbrøvum er stórur.

Umframt hjá føroysku peningastovnunum, var áhugin eisini stórur hjá donskum peningastovnum og pensjónskassum. skrivar Fíggjarmálaráðið.