Sakarmál hava kostað 800 mió. kr.

23.06.2020 - 09:52
AktueltPengar
Sakarmál hava kostað 800 mió. kr.
Tað gongur illa hjá Fíggjarligum støðufesti at vinna sakarmál, sum eru reist í kjalarvørrinum av fíggjarkreppuni
 

Tað hevur verið dýrt hjá Fíggjarligum støðufesti at rudda upp eftir bankakreppuna, sum byrjaði í 2007.

Fíggjarligt støðufesti, og harvið danski staturin, hevur brúkt 800 milliónir krónur til sakførarar og sakarmálskostnað í royndini at rudda upp, skrivar danska kringvarpið.

Tað eydnaðist eitt nú ikki Fíggjarligum støðufesti at fáa endurgjald frá leiðsluni í kollsiglda Eik-bankanum í Danmark, sum í gjár varð fríðkend í Hægstarætti.

Størri tap enn endurgjald

Fíggjarligt støðufesti varð dømt at rinda 38,3 milliónir til tryggingarfelagið AIG og fýra milliónir til Betri Trygging. Harumframt skal Fíggjarligt støðufesti gjalda 20 milliónir kr. í sakarmálskostnaði.

Tað hevur tó eydnast Fíggarligum støðufesti at fáa endurgjald í onkrum máli, men yvirhøvur hevur fíggjarliga tapið verið nógv størri enn samlaða endurgjaldið.

- Tað tykist sum dómarnir eru púra greiðir í málum, sum snúgva seg um leiðsluábyrgdina í kollsigldum bankum. Nú mugu politikkarar taka tøðu til, um lóggávan á økinum eigur at verða broytt,  sigur Jakov Ussing, serfrøðingur i vinnulívsmálum hjá danska kringvarpinum.
 
 

Er kopiera
Nýggjastu sendingar í ÚV
Leygardag 22. januar
Jambalaja 220122
134439
Leygardag 22. januar
Morgunlestur leygardagur 22.januar 2022
133934
Fríggjadag 21. januar
Nón 21. februar
134420
Fríggjadag 21. januar
Góðan morgun Føroyar 21.01.2022
134393
Nýggjastu sendingar í SV
Fríggjadag 21. januar
Lyst 47
134249
Hósdag 20. januar
Koks
134369
Mikudag 19. januar
Mentanarvirðisløn Landsins 2021
134328
Mikudag 19. januar
25 minuttir: Olaf Johannessen
134326
Týsdag 18. januar
Vísindavøka: Amanda Vang, Fiskaaling
130883