Herurin boðsendur at basa korunusmittu

Í avstralska statinum, Victoria, er herurin kallaður inn eftir, at koronuvirusið er farið at gera um seg aftur í statinum. Tað skrivar bretska blaðið The Guardian.

Sambært blaðnum skulu meira enn 1.000 hermenn ganga hús úr húsi í tveimum forstøðum við stórbýin Melbourne og bjóða íbúgvunum ókeypis poting fyri koronu.

Seinastu vikuna eru umleið 150 nýggir tilburðir staðfestir í statinum Victoria, skrivar tíðindastovan, NTB.