Viðtøkurnar fyri grunnin broyttar

Framtaksgrunnurin hevur bundið seg til at hava minst 30 milliónir krónur tøkar til íløgur í 2020 og 2021.

Grunnurin skyldaði landskassanum 30 milliónir krónur, men landið hevur strikað lánið, so Framtaksgrunnurin kann læna koronaraktum fyritøkum í ferðavinnuni pengarnar.

Framtaksgrunnurin treytar sær, at peningastovnar og/ella aðrir íleggjarar seta pengar í.

Sambært viðtøkunum skal grunnurin ikki fáa avgerandi ávirkan í virkinum, hann setur pengar í. Og hann skal avhenda gjørdar íløgur, tá tær eru burðardyggar og sølubærar.