Tóku sløk 21.000 tons annan ársfjórðing

Bakkafrost tók sløk 21.000 tons av laksi í øðrum fjórðingsári. 12.900 tons vórðu tikin í alibrúkunum sum felagið hevur norðan fyri í Føroyum, og 7.900 tons vórðu tikin í brúkunum, sum felagið hevur í Skotlandi.

Tað upplýsir felagið fyri partabrævamarknaðinum í Oslo. Samstundis verður upplýst, at Havsbrún seldi 22.100 tons av alifóðri, og virkið keypti 120.000 tons av rávøru.

Úrslitið hjá Bakkafrosti fyri annað fjórðingsár, verður almannakunngjørt 25. juli, upplýsir felagið fyri partabrævamarknaðinum.