WHO: Støðan í heiminum versnar

bannari
WHO: Støðan í heiminum versnar
Í løtuni verða ein millión fólk smittað við COVID-19 um samdøgrið. Heimsheilsustovnurin rópar nú varskó
Fólk í Franklin, Tennesssee, verða kannað fyri COVID-19 herfyri. Smittan breiðir seg ógvusligt í USA í løtuni
Mynd: Savnsmynd (AP)  
 
14.07.2020 - 11:24

Føroyar hava verið koronufríar síðani 22. apríl, men heimsheilsustovnurin WHO ávarar um, at støðan heldur versnar ógvisliga enn batnar, sæð í heimshøpi.

13 milliónir fólk í heiminum hava higartil fingið staðfest koronu, og í løtuni veksur talið við einari millión um samdøgrið.

Heimurin á vandaleið

Aðalskrivarin í Heimsheilsustovninum, Tedros Adhanom Ghebreyesus, tók rívan til á einum tíðindafundi, sum varð hildin á høvuðsskrivstovuni hjá WHO í gjár.

Lat meg siga tað, sum tað er: Í ov nógvum londum gongur tað skeiva vegin. Virusið verður verandi okkara almenni fíggindi nummar eitt. Men gerðirnar hjá nógvum stjórnum og fólkum samsvara ikki við hetta.

Orðini fullu á vikuliga fundinum, har aðalskrivarin vanliga kunnar um støðuna í heimshøpi. Sambært aðalskrivaranum í Heimsheilsustovninum, er heimurin á vandakós.

Góð kunning er lyklaorðið

Um vit ikki halda grundleggjandi tilmælini, kann støðan bara ganga ein veg. Støðan verður verri og verri og verri, segði Tedros Adhanom Ghebreyesus.

Aðalskrivarin hjá WHO mælir stjórnunum í londunum, har koronasmittan framvegis er í umferð, um at hava greiða kunning til borgararnar og at taka støðuna í álvara.

Tað er serliga í USA og londum í Suðuramerika, so sum Brasil, at koronasmittan herjar ógvusliga í løtuni.

Er kopiera
Nýggjastu sendingar í ÚV
Hósdag 28. mars
Ein sangur til dirvi
172633
Hósdag 28. mars
Lesikrókurin: Staklutirnir
172944
Hósdag 28. mars
Úr Koltri til Kirkjubøar (1:2)
172479
Nýggjastu sendingar í SV
Hósdag 28. mars
Skírishósdagur: Tummas Kannuberg
172799
Hósdag 28. mars
Hin rusuti á Aconcagua
172934
Hósdag 28. mars
Guðstænasta úr Kollafjarðar kirkju
172938
Mikudag 27. mars
Frætt og fregnað 1 (1:3)
40584
Mikudag 27. mars
Frætt og fregnað 1 (2:3)
40585