Óvissa um olympisku leikirnar

bannari
23.07.2020 - 11:23
AktueltÚtheimurin
Óvissa um olympisku leikirnar
Enn er óvist, um útsettu leikirnir, ið annars skuldu byrja í dag, verða hildnir næsta summar
 

Í dag er júst eitt ár til útsettu olympisku leikirnir verða hildir í Tokyo. Teir skuldu annars byrja í morgin, fríggjadagin 24. juli, men vegna koronufarsóttina eru teir útsettir til næsta ár.

Men forsetin í olympisku fyrireikingarnevndini, Yoshiro Mori, er framvegis ivasamur um tað fer at lata seg gera at halda leikirnar.

Leikirnir ikki hildnir uttan áskoðarar

Um koronustøðan framvegis er sum nú, ber ikki til at halda leikirnar, sigur forsetin í olympisku fyrireikingarnevndini, sambært Danmarks Radio.

Tað er neyðugt, at eitt koppingarevni ella heilivágur er ímóti koronuvirusinum, segði hann við japansku sjónvarpsstøðina NHK.

Forsetin í olympisku fyrireikingarnevndini legði aftrat, at olympisku leikirnir uttan áskoðarar ikki var ein møguleiki í løtuni.

Meginparturin: Leikirnir skulu ikki haldast

Japanarar tykjast heldur ikki at vera stórvegis fegnir um at skipa fyri olympisku leikinum, sum koronustøðan er í løtuni. 

Ein meiningarkanning millum fólk í Japan vísti fyrr í vikuni, at einans 23,9 prosent halda olympisku leikirnir skulu haldast sum ætlað, skrivar AFP-tíðindastovan.

Fleiri enn 70 prosent av teimum spurdu tóku undir við at útseta leikirnir meira, ella at avlýsa teir heilt, tí tey ikki halda, at tamarhald verður á koronustøðuni, tá leikirnir skulu setast um eitt ár.

 
Nýggjastu sendingar í ÚV
Leygardag 15. august
Brunsj við Anju Hartmann Wardum
112366
Leygardag 15. august
Gróðurbærar nýrembingar
111550
Leygardag 15. august
Morgunlesturin leygarmorgunin 15. august 2020
112098
Fríggjadag 14. august
Summartímin fríggjadagin 14. august
112344
Fríggjadag 14. august
Góðan morgun Føroyar 14.08.2020
112317
Nýggjastu sendingar í SV
Mikudag 12. august
Drúgt sjónvarp: Saksun - Tjørnuvík
112264
Mikudag 5. august
Tíðindafundur og Dagur og vika
111992
Hósdag 30. juli
Midnáttarsangur
111814
Mikudag 29. juli
Upp á gólv
111810
Mikudag 29. juli
Á ólavsøku 2:2
111809