Johnson vil hava málið um Navalnyj kannað

Johnson vil hava málið um Navalnyj kannað
Russiski andstøðupolitikarin liggur enn á sjúkrahúsi í Berlin, tí hildið verður, at hann varð eitraður
Russiski andstøðupolitikarin, Aleksej Navalnyj, varð um vikuskiftið fluttur á sjúkrahús í Berlin
 
27.08.2020 - 15:52

Bretski forsætisráðharrin, Boris Johnson, hevur kravt, at ein óheft kanning verður gjørd av russiska andstøðupolitikaranum, Aleksej Navalnyj, fyri at fáa greiðu á, um hann varð eitraður.

Boris Johnson fær stuðul frá aðalskrivaranum í NATO, Jens Stoltenberg, um eina óhefta kanning.

- Vit hava tørv á at fáa greiðu á málinum, og tey, sum eru sek, eiga at koma fyri rættin, fyri at tryggja rættvísi, sigur Boris Johnson.

Á sjúkrahúsi í Berlin

44 ára gamli Aleksej Navalnyj fær viðgerð á einum sjúkrahúsi í Berlin. Hann gjørdist sjúkur í einum flogfari úr Sibiria í farnu viku, og týskir læknar, sum eru um hann, siga, at nógv bendir á, at hann varð eitraður.

Aðalskrivarin í NATO, Jens Stoltenberg, sigur, at hann tekur undir við eini óheftari kanning, sum kann gera av, hví Navalnyj gjørdist sjúkur.

Onnur dømi um eitran

Boris Johnson vil hava kanningina gjørda, tí í fleiri førum hava myndugleikarnir í Bretlandi sagt, at russar, sum vóru í Bretlandi, hava verið eitraðir. Og tað hevur gjørt viðurskiftini millum londini spent.

M.a. hava bretar ført fram, at Russland stóð fyri at eitra fyrrverandi KGB-njósnaran, Aleksandr Litvinenko, í London í 2006. Hann doyði.

Bretland leggur eisini russar undir at hava eitrað fyrrverandi njósnaran, Sergej Skripal, í Salisbury í 2018. Hann kom frá hendingini við lívinum.

Royndu at stjala vitan

Boris Johnson er eisini í øðini um, at Russland royndi at leggja seg út í bretska valið í desember í fjør, og at sonevndir teldusníkar royndu at stjala vitan um heilivág fyri koronu.

Russland vísir øllum skuldsetingunum aftur, skrivar Ritzau.

Er kopiera
Nýggjastu sendingar í ÚV
Leygardag 17. august
Morgunlestur leygardagur 17. august 2024
179111
Fríggjadag 16. august
RagnarRokk: Juan Garcia um Toxic Grace
179292
Fríggjadag 16. august
Morgunlestur fríggjadagur 16. august 2024
179080
Hósdag 15. august
RagnarRokk 15.august 2024
177311
Nýggjastu sendingar í SV
Leygardag 17. august
Olympiski dreymurin - teknmálstulkað
179320
Leygardag 17. august
Dagur og vika - teknmálstulkað
179318
Fríggjadag 16. august
Dagur og vika - teknmálstulkað
179277
Fríggjadag 16. august
Veðrið
179305
Mikudag 14. august
Dagur og vika - teknmálstulkað
179206