Bjørgfríð avloysir Jákup Frants

Bjørgfríð Ludvig, kommunustjóri í Tórshavnar kommunu, verður forkvinna í starvsbólkinum hjá Kommunufelagnum tað, sum eftir er av hesum valskeiðinum. Valskeiðið endar á nýggjárinum.

Hon tekur við eftir Jákup Frants Larsen, sum legði frá sær 1.september sær sum kommunustjóri í Fuglafjarðar kommunu eftir at hava verið í starvi hjá kommununi í 45 ár. 

Hann var formaður í starvsbólkinum í Kommunufelagnum síðani felagið varð stovnað í 2014.

Og hann var formaður í starvsbólkinum hjá Kommunusamskipan Føroya frá 2009 til 2014.

Í starvsbólkinum hjá Kommunufelagnum eru hægstu fyrisitingarligu leiðararnir í kommununum. 

Starvsbólkurin fyrireikar málini, sum skulu leggjast fyri stýrið í Kommunufelagnum til politiska støðutakan.