Føroya rættur skal brúka sakkøn fólk

Føroya rættur skal brúka sakkøn fólk
Tey, sum verða sakkøn hjá Føroya rætti, byrja 1.januar næsta ár, og halda fram í fýra ár
 
21.09.2020 - 08:53

Tá nýggja rættargangslógin kemur í gildi á nýggjárinum, skal Føroya rættur brúka sakkøn fólk ella feløg í smáum borgarligum málum, har fakligur serkunnleiki hevur týdning fyri málsgongdina.

Og nú søkir Domstolsstyrelsen eftir hesum fólkum og feløgum.

Hesi fólk ella feløg skulu brúkast í málum um krøv við fíggjarligum virði, sum eru í mesta lagi 50.000 kr., ella um krøv uttan fíggjarligt virði.

Talan er um fólk ella feløg, sum vita nógv um til dømis bygging, fastognir, maskinídnað, kunningartøkni, smáhandil, flutning, innbúgv, umhvørvi ella matvøruvinnu.   

Umsóknarfreistin er til 8.oktober.

Byrja 1. januar

Tey, sum verða sakkøn hjá Føroya rætti, byrja 1.januar næsta ár og halda fram í fýra ár.

Arbeiðið hjá teimum sakkønu er at gera rættinum eina frágreiðing, sum skal vera prógv í einum sakarmáli.

Áðrenn frágreiðing verður givin, skal tann sakkøni gera eina fyribils kostnaðarmeting um, hvat frágreiðingin fer at kosta. 

Føroya rættur ásetur samsýningina fyri frágreiðingina við grundarlagi í fyribils kostnaðarmetingini.

Meira kann lesast um tey sakkønu, sum Føroya rættur skal brúka, her.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592