Norðborg royndartúr við nýggjum motori

Norðborg, sum hevur fingið nýggjan motor, er farin royndartúr.

Siglt verður í tríggjar-fýra tímar fyri at royna nýggja motorin.

Um alt gongur væl, fer Norðborg til fiskiskap í kvøld ella í morgin ári. 

Norðborg fekk maskinskaða eystur úr Føroyum 20.juni. Skaðin var so stórur, at neyðugt varð at skifta motorin.

Tað arbeiðið er gjørt í Norðhavnini í Klaksvík.