Gestur Hovgaard professari í Grønlandi

Gestur Hovgaard, leiðarin á deildini fyri samfelag, búskap og journalistikk á lærda háskúlanum í Grønlandi, Ilisimatusarfik, hevur fingið professaraembæti.

Metingarnevndin varð samd um at geva Gesti Hovgaard heitið.

Í nevndini sótu Torill Nyseth frá Arktiska Universittetinum í Noregi, Ivar Jonsson, professari á Østfold University College, og Peter Berliner, professari á Ilisimatusarfik.

Gestur Hovgaard tók við starvinum sum leiðari í Ilisimatusarfik í 2017, við ábyrgd fyri lestrareindunum journalistikki, sosialráðgevi, vinnubúskap og samfelagsvísindi.

Gestur Hovgaard hevur fyrr verið limur í stýrinum fyri Fróðskaparsetrið og Granskinginarráðið í Føroyum.