Svøríki missir milliardir av njósning

Svøríki missir milliardir av njósning
Svenska fregnartænastuni mælir til skipanir, sum bæði tryggja fyritøkur og starvsfólk fyri telduálopum
Charlotte von Essen er nýggjur stjóri í svensku fregnartænastuni, Sa:po
 
14.10.2020 - 09:37

Svøríki missir hvørt ár fleiri milliardir kr., tí onnur lond njósnast í landinum. Talan er bæði um njósning á netinum og av fólki.

Tað upplýsir svenska fregnartænastan, Sa:po, sambært svensku tíðindastovuni, TT.

Njósningin hevur við sær, at kunning og vitan fyri fleiri milliardir kr, hvørt ár verður flutt úr Svøríki. Stuldurin á netinum verður framdur av nógvum ymsum pørtum.

- Vit síggja, at minst 15 lond reka slíkt ólógligt virksemi ímóti Svøríki, sigur nýsetti stjórin í Sa:po, Charlotte von Essen, við svensku tíðindastovuna, TT.

Hon leggur dent á, at Kina og Russland eru størsta hóttanin.

Torført at steðga virkseminum

Londini nýta nógvar ymsar hættir til sítt virksemi, og tí er torført at steðga virkseminum. Hon mælir svensku fyritøkunum og myndugleikunum til at økja um trygdina.

Sa:po mælir til skipanir, sum bæði tryggja fyritøkurnar og starvsfólkini fyri telduálopum.

Tað er helst heldur ikki nóg mikið, og tí er neyðugt við serligum lásaskipanum, bæði í fyritøkunum sjálvum, og eisini hjá starvsfólkunum.

- Neyðugt er eisini hjá fyritøkunum at tryggja, at starvsfólk, sum arbeiða við viðkvomum upplýsingum, eru álítandi og vilja fyritøkuni tað besta, sigur Charlotte von Essen við TT.

Er kopiera
Nýggjastu sendingar í ÚV
Sunnudag 22. november
Filosofiskur 9. partur
216718
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592