Harður jarðskjálvti í Miðjarðarhavinum

Harður jarðskjálvti var í morgun í Miðjarahavinum. 

Skjálvtin merktist fleiri staðni í Grikkalandi og Turkalandi.

Seismiski stovnurin í Europa, EMSC, upplýsir, at skjálvtin varð mátaður til 6,7, og hann rakti griksku Dokakanese-oyggjarnar.

Sambært blaðnum, ANT1, eru fleiri bygningar rapaðir, og stórar aldur skolaðu inn á strondina fyrstu minuttirnar eftir jarðskjálvtan.

Mátaður til 6,6

Turkiskir myndugleikar hava mátað skjálvtan til 6,6, og mátingar hjá amerikanska jarðskjálvta-stovninum vísa, at skjálvtin var sjey í styrki á evropeiska makro-seismiska stiganum.

Videobrot á sosialum miðlum úr turkiska býnum, Izmir, vísa, at roykur stendur upp úr bygningum.

Myndugleikarnir hava ikki váttað, um fólk og bygningar hava fingið skaða.

Miðdepilin í jarðskjálvtanum var, sambært Reuters, umleið 17 kilometrar út fyri strondini í Izmir.