Undantaksstøðan í Spania longd

Undantaksstøðan, sum varð lýst í Spania sunnudagin, varð í gjár longd í eitt hálvt ár. Tað skrivar bretska blaðið, the Guardian.

Spanska undirhúsið samtykti at leingja undantaksstøðuna í eitt hálvt ár í eini roynd at minka um koronasmittutrýstið, sum veruliga hevur fingið fastatøkur í Evropa aftur.

Undantaksstøðan merkir, at tær 17 landspartastjórnirnar í Spania eitt nú fáa valdið til at avmarkað ferðafrælsið hjá fólkum, seta útgongubann í verk og at steingja mørkini millum landspartarnar.

Katalonia stongt landamarkið

Atkvøðugreiðslan í Spanska undirhúsinum var samstundis, sum stjórnin í Katalonia avgjørdi at banna fólki at koma og fara úr landslutinum í 15 dagar.

Hetta verður gjørt, fyri at forða fyri at sjúkrahúsini verða ovbyrað, siga myndugleikarnir í Katalonia.

Í farnu viku gjørdist Spania tað fyrsta landið í Evropa, har talið av koronasmittaðum fólkum fór upp um milliónina.