Ongland steingir í fýra vikur

bannari
Ongland steingir í fýra vikur
Yvir ein millión fólk eru smittað við korona, og 46.000 fólk eru higartil deyð.
 
01.11.2020 - 11:34

Bretski forsætisráðharrin, Boris Johnson, hevur boðað frá, at hósdagin letur Ongland aftur í fýra vikur, fyri at steðga koronasmittuni í at breiða seg.

Tað boðaði forsætisráðharrin frá í gjár.

- Tað er eitt neyðugt stig at taka, tí smittan breiðir seg nógv skjótari enn ringastu útlitini vóru, segði forsætisráðharrin.

Hann legði kortini dent á, at krøvini ikki vera so strong sum í vár, men hann heitti á fólk um at vera við hús frá hósdegnum, tá tilmælini koma í gildi.

Eftir tilmælunum kunnu 55 milliónir bretar bert fara frá húsum um tey hava fyri neyðini at fara til lækna, at keypa inn, ella mugu taka sær av næstringum, og fara til arbeiðis. Tey sum kunnu, eiga at arbeiða heima, segði hann.

Tiltøkini fara at vara til 2. desember, segði Boris Johnson.

Skotland, Wales og Norðurírland gera sjálvi av, hvussu tey handfara koronakreppuna, skrivar Ritzau.

Ráðgevin hjá stjórnini, Chris Whitty, sigur, at smittan breiðir seg skjótt, og nógv verða løgd inn á sjúkrahús. Tað er serliga galdandi fyri tey eldru, og tí er neyðugt við tiltøkunum, sigur hann.

Í gjár vóru meir enn ein millión fólk í Onglandi smittað við korona, bara seinasta samdøgrið eru 22.000 fólk smittað. Og 46.000 fólk eru higartil deyð av sjúkuni.
 

Er kopiera
Nýggjastu sendingar í ÚV
Sunnudag 15. november
Bolero - Niels V. Gade
216433
Sunnudag 15. november
Guðstænasta í Haldarsvíkar kirkju
216428
Sunnudag 15. november
Filosofiskur 8.partur
216351
Leygardag 14. november
TEMAPLÁTAN 40: 'Fahrenheit', Toto, 1986
215932
Nýggjastu sendingar í SV
Sunnudag 15. november
Møti
216442
Sunnudag 15. november
Eitt dýpi av dýrari tíð 2:2
216214
Sunnudag 15. november
Talvið um Tinganes (2:2) - teknmálstulkað
216435