- Tíðindi, mentan og ítróttur
ES keypir koppingarevni frá Moderna
ES keypir koppingarevni frá Moderna
Sambært sáttmálanum kann ES keypa upp í 160 milliónir skamtir
![](https://kvf.fo/sites/default/files/styles/grein-ovasta-mynd/public/moderna.png?itok=cec8YY12)
Moderna er eisini við í kapprenningini um at gera koppingarevni fyri koronu
24.11.2020 - 14:55
ES-nevndin fer í morgin at góðkenna sættu avtaluna um at keypa koppingarevni fyri koronu.
Talan er um biotøknifyritøkuna Moderna, sum eisini hevur ment eitt koppingarevni, og sum evropeiski heilivágsstovnurin, EMA, kannar í løtuni.
Usula von der Leyen, forkvinna í ES-nevndini, sigur, at sambært sáttmálanum kann ES keypa upp í 160 milliónir skamtir av koppingarevni frá Moderna.
Heilivágsstovnurin EMA skal góðkenna koppingarevnini. Og verður vaksinan hjá Moderna góðkend, fáa øll ES-londini hana í senn.
Forkvinnan í ES-nevndini segði í síðstu viku, at tað er ikki óhugsandi, at EMA fer at góðkenna fyrstu koppingarevnini í seinnu helvt av desember.
Nýggjastu sendingar í ÚV
Nýggjastu sendingar í SV