Útvarpsdokumentarur: Gomul grøv funnin í Vestmanna

16.12.2020 - 13:16
Mentan
Útvarpsdokumentarur: Gomul grøv funnin í Vestmanna
Ein elligomul grøv er funnin í Vestmanna, har fleiri sjórænarar blivu hongdir í 1615. Útvarpsdokumentarur roynir at samantvinna báðar søgurnar
 

Tá Finnbogi Joensen gróv út í túninum í sjeytiárunum, kom ein elligomul grøv undan kavi.

Hann fann ongantíð útav, hvør lá í henni. Seinni frættist, at skjøl finnast í Havn, sum vísa, hvør hevur ligið í henni.

Tað sigst, at bølmenni sluppu ikki í kristna jørð.

Tí kann vera, at grøvin, sum liggur langt frá kirkjugarðinum í Vestmanna, kann knýtast til ein stóran sjórænarabardaga, sum var á Vestmanna í 1615.

Útvarpsdokumentarur: Grøvin undir grøna manninum

Sjórænarar blivu hongdir

Tann søgan snýr seg um danska admiralin, Jørgen Daa, som í 1615 kemur til Føroya við tveimum stórum herskipum at leita eftir tveimum kendum sjórænarum, ávíkavist Tucker og Mendoza, kapteini. Hesir báðir hava herjað í Norðuratlantshavinum og rænt í bygdum í Føroyum og Íslandi.

Tað endar við einum stórum bardaga, har kúlurnar flúgva upp um oyruni á vestmenningum. Fleiri sjórænarar verða skotnir, nakrir flýggja til Havnar, og restin verður hongd á einum gálga við sjóvarmálan í Vestmanna.

Dýrgripur liggur goymdur í Vestmanna

Kringvarpið hevur gjørt útvarpsdokumentar, har roynt verður at leggja meira kjøt á báðar søgurnar og møguliga samantvinna tær.

Samstundis kemur fram, at ein dýrgripur møguliga skal liggja onkrastaðni í moldini nærhendis grøvina. Talan skal vera um ein skatt, sum ein vestmannabóndi hevur grivið niður fyri at sjórænararnir ikki skulu fáa hendur á virðunum. Bóndin nær ongantíð at grava skattin upp aftur, tí hann verður dripin av sjórænarunum.

 

Útvarpsdokumentarurin, Grøvin undir grøna manninum, verður sendur hósdagin kl. 17, men kann longu hoyrast á netinum:

Er kopiera
Nýggjastu sendingar í ÚV
Leygardag 19. juni
Morgunlestur leygardagur 19. juni 2021
125341
Fríggjadag 18. juni
Nón 18. juni 2021
125645
Fríggjadag 18. juni
Góðan morgun Føroyar 18.06.2021
125614
Nýggjastu sendingar í SV
Mánadag 14. juni
3-2
125458
Sunnudag 13. juni
Harmonikusangmøti í Vesturkirkjuni.
125390
Sunnudag 13. juni
Andakt við Jóhannesi Miðskarð
125389
Leygardag 12. juni
Video: 5mf dreingir, Fjarðastevna 2021
125373
Leygardag 12. juni
Video: 5mf gentur, Fjarðastevna 2021
125369