Smittað heilsustarvsfólk kunnu missa løn

Smittað heilsustarvsfólk kunnu missa løn
Starvsfólk í grønlendska heilsuverkinum hava fingið at vita, at verða tey smittað av koronu uttanlands, kunnu tey verða drigin í løn
Fakfeløg hjá heilsustarvsfólkum í Grønlandi hótta við at stevna landsmyndugleikunum, sum ætla at draga fólk í løn, um tey verða smittað av koronu uttanlands
 
18.12.2020 - 09:44

Í Grønlandi hótta fakfeløg á heilsuøkinum við at steva landsmyndugleikunum, um starvsfólk verða drigin í løn, um tey verða smittað við koronu.

Tað skrivar grønlendska kringvarpið, KNR.

Fyrr í vikuni sendi leiðslan í grønlendska sjálvstýrinum ein teldupost til starvsfólkini við boðum um, at tey kundu verða drigin í løn, um tey verða smittað av koronu uttan fyri Grønland. Í teldupostinum stendur, at tað er grovt ósketni at ferðast uttanlands í løtuni.

Hetta hevur fingið øði í samtakið hjá heilsustarvsfólkunum, PPK, sum hóttir við at fara í rættin, um starvsfólkini verða drigin í løn.

Sjúka er sjúka

- Sjúka er sjúka, og teir av okkara limum, sum hava rætt til løn undir sjúku, hava eisini rætt til løn, sama um hendan sjúkan hevur samband við Covid 19, sigur formaðurin í PPK, Ken Jensen, í tíðindaskrivi. 

Hann sigur eisini, at starvsfólk hava ikki skyldu til at boða arbeiðsgevaranum frá, hvørja sjúku viðkomandi hevur.

Heldur sjálvstýrið fast um, at starvsfólkini skulu missa løn undir koronasjúku, kann tað hava við sær, at samtakið fer í rættin við málinum.

  
 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592