Tanum broytir navn til Rescue LÍV

Bjargingarbáturin hjá Havnar Bjargingarfelag skal í framtíðini eita Rescue LÍV.

Í løtuni eitur báturin Tanum. Hann varð keyptur úr Svøríki fyri tveimum árum síðani, og kom í tilbúgving fyri nøkrum vikum síðani. 

Tanum avloysir undanfarna bjargingarbátin, Rescue LÍV, sum er seldur av landinum.

LÍV-samtakið hevur gjørt tvey ára stuðulsavtalu við bjargingarbátin hjá Havnar Bjargingarfelag.

LÍV hevur verið høvuðsstuðul hjá Rescue LÍV, síðani fyrsti báturin varð keyptur í 2008.