Norðmenn gevast at stuðla Herberginum

Norðmenn gevast nú við at lata fíggjarligan stuðul til Herbergið í Havn. Avtala er gjørd millum Frelsunarherin og Almannamálaráðið um, at føroyskir myndugleikar stigvíst yvirtaka stuðulin til Herbergið í Havn næstu árini.

Yvirtøkan fer at taka fimm ár, og 700.000 krónur eru settar av á fíggjarlógini fyri næsta ár. Tað sigur Elsebeth Mercedis Gunnleygsdóttur, landsstýriskvinna í almannamálum.

Tað verður framvegis Frelsunarherurin, sum kemur at standa fyri Herberginum. Tí er einans talan um, at Føroya Landstýri fer at veita stuðulin framyvir heldur enn Frelsunarherurin í Norra.

Hoyr meira í útvarpstíðindunum klokkan 18.