Málsøkið rúsandi evni á føroyskar hendur á nýggjárinum

Á nýggjárinum verður málsøkið, sum eitur rúsandi evni, yvirtikið.

Tað hevur løgtingið samtykt.

Eingin atkvøddi ímóti, og eingin atkvøða var blonk.

Málsøkið er í løtuni felagsmál, hóast tað verður umsitið og í høvuðsheitum fíggjað í Føroyum.

Tá málsøkið er yvirtikið, verða allar ásetingar, sum nú eru galdandi í Føroyum, og ikki stríða móti heimastýrislógini, verandi í gildi, til tær verða broyttar ella avtiknar.

Heimildir og skyldur hjá donskum myndugleikum verða fluttar til føroyskar myndugleikar.