Ov tíðliga at siga nakað enn

– Vit vita ikki rættliga, hvørja ávirkan, avtalan millum Bretland og ES fær á samráðingarnar millum Føroyar og Bretland um fiskirættindi.

Tað sigur Jacob Vestergaard, landsstýrismaður. Fiskimenn í ES eru í øðini, tí teirra lutur er so lítil í avtaluni, sum ES hevur gjørt við Bretland.

Føroyar og Bretland samráðast aftur um fiskirættindi 5. og 6. januar. Um Føroyar fáa somu treytir sum ES á fiskivinnuøkinum, ber ikki til at siga nakað um, sigur Jacob Vestergaard.

Eitt annað land, sum ikki er í ES, Noreg, hevur heldur ikki gjørt sáttmála við Bretland um fiskirættindi næsta ár.