Góður prísur fyri íslendska lodnu

Norskir fiskakeyparar kappbjóðaðu um lodnuna hjá norska uppsjóvarskipinum Vendlu, sum fekk lodnuna í íslendskum sjógvi um vikuskiftið.

Lastin, sum er 435 tons, er seld fyri 4,2 mió. norskar krónur, tríggjar milliónir krónur danskar. Kiloprísurin er 6,90 krónur danskar.

Hetta er nógv meira enn roknað varð við.

Lofoten Vik­ing í Værøy keypti lodnuna.

Kunnu fiska góð 3.000 tons

Føroysk skip sleppa at fiska 3.050 tons av lodnu í íslendskum sjógvi í vetur.

Norsk skip eiga 33.388 tons, tí íslendingar fáa tosk í Barentshavinum.  

Møguliga verður kvotan størri seinni í vetur.