Deyðatalið í USA farið upp um 500.000

Tað vísir ein uppgerð frá Johns Hopkins universitetinum, sambært tíðindastovuni AP. Amerikanski forsetin, Joe Biden, heitir á fólkið um at minnast tey deyðu

Talið av deyðum er líka stórt sum amerikansku tapini í seinna heimsbardaga, krígnum í Vietnam og krígnum í Korea, um tølini verða løgd saman.

Deyðatølini av koronu eru eitt dapurt vegamót, segði amerikanski forsetin á einum minningarhaldi fyri tey deyðu uttan fyri Hvítu húsini.

Flagga í hálvari stong í fimm dagar

– Í dag minnast vit eitt dapurt vegamót og 500.071 deyð fólk í USA. Eg veit hvussu slíkt kennist, segði amerikanski forsetin.

Biden vísti á sína egnu tíð við nógvum sorgarleikum, eftir at hann misti konuna og eitt barn í vanlukku og eitt annað barn av sjúku.

– Vit skulu standa saman sum eitt fólk, fyri koma okkum aftur, eftir tað sum hendir, segði Joe Biden:

Amerikanski forsetin, Joe Biden, hevur heitt á amerikanska fólkið um at flagga í hálvari stoing í fimm dagar fyri at minnast tey deyðu.