Norðurlendsk flogfeløg í turbulensi

Ferðafólkatalið hjá SAS, Norwegian og Finnair var í februar so lítið, sum tað ikki hevur verið síðani apríl og mai í fjør, tá koronukreppan av álvara rakti flogfeløgini.

Afturgongdin hjá flogfelagnum, Norwegian, var í februar í ár 96,1 prosent í mun til februar í fjør, vísa tølini hjá flogfelagnum.

Komandi tíðin verður trupul

Eisini hjá hinum báðum norðurlendsku flogfeløgunum var afturgongdin í februar mánað í ár stór í mun til februar í 2020.

Hjá Finnair var minkingin í ferðafólkatalinum 91,6 prosent, og hjá SAS var afturgongdin 89,3 prosent í februar í ár samanborið februar í fjør.

Komandi tíðin verður trupul hjá norðurlendsku flogfeløgunum, hóast onkrir glottar hómast, sigur ein greinari við heimasíðuna check-in.dk