Samherji verður ikki kannað fyri skattaundandrátt

13.03.2021 - 16:32
AktueltVinna
Samherji verður ikki kannað fyri skattaundandrátt
Íslendska samtakið Samherji skrivar í tíðindaskrivi í dag, at stjórin í Taks hevur váttað, at tað ikki verður kannað fyri skattaundandrátt í Føroyum
 

Samherji verður ikki kannað av skattamyndugleikunum í Føroyum. 

Hetta skrivar íslendska samtakið í tíðindaskrivi í dag. 

Hósdagin var Eyðun Mørkøre, stjóri í TAKS, annars gestur í bæði Breddanum og Degi & Viku í Kringvarpinum fyri at umrøða málið um, at føroyska felagið, Tindhólmur, er blivið brúkt av Samherja til at sleppa undan skatti av hýrum í Namibia. 

Í Degi og viku segði Eyðun Mørkøre, at málið kundi enda sum politimál: 

Eyðun Mørkøre, stjóri í TAKS, um Tindhólm

Brot á góðan fjølmiðlasið

Íslendskir fjølmiðlar hava endurgivið samrøðuna við Eyðun Mørkøre, stjóra í Taks, og sagt, at málið hjá Samherja nú verður kannað í Føroyum.

Men í tíðindaskrivi í dag avsannar Samherji, at samtakið verður kannað í Føroyum. Samherji skrivar, at hetta hevur Eyðun Mørkøre, stjóri í TAKS, váttað skrivliga fyri samtakinum. 

Samherji finnist serliga at íslendska kringvarpinum, RÚV, fyri tíðindini. RÚV hevur snarað og mistulkað orðini hjá Eyðuni Mørkøre, skrivar Samherji, og so hevur RÚV eisini brotið leiðreglurnar um góðan fjølmiðlasið, tí Samherji varð ikki spurt um eina viðmerking í sambandi við søguna.  

Kringvarpið hevur roynt at fingið eina viðmerking frá Eyðuni Mørkøre, stjóra í TAKS, men tað hevur ikki eydnast í dag. 

Er kopiera
Nýggjastu sendingar í ÚV
Mikudag 12. mai
Breddin
124186
Mikudag 12. mai
Nón 12. mai 2021
124183
Mikudag 12. mai
Góðan morgun Føroyar
124160
Mikudag 12. mai
Morgunlestur mikudagur 12. mai 2021
124014
Nýggjastu sendingar í SV
Hósdag 13. mai
Guðstænasta
124199
Hósdag 13. mai
Andaktin
124198
Mánadag 10. mai
3-2
124088
Sunnudag 9. mai
Andakt við Øyvindi Bjerkenes
124018
Sunnudag 9. mai
Guðstænasta í Leirvíkar kirkju.
124011