Fyrivarni fyri føroysk fiskiskip í altjóða sáttmála er tikið av

Danmark hevur tikið av fyrivarnið um Føroyar um Cape Town Agreement frá 2012, sum ásetur tøknilig krøv til fiskiskip, sum eru longri enn 24 metrar. 

Danmark skrivaði undir sáttmálan í 2015, men tók fyrivarni fyri Føroyum. 

Sjóvinnustýrið hevur greitt mælt til at taka undir við sáttmálanum, og at fyrivarnið viðvíkjandi Føroyum verður strikað. 

Sáttmálin ásetur minstukrøv um tøknilig viðurskifti hjá fiskiskipum.

Fær onga ávirkan

Hesi eru longu sett í verk í føroyskari lóggávu. 

Í nógvum førum eru føroysku krøvini strangari enn tey, sum Cape Town Agreement ásetur, sigur Sjóvinnustýrið. 

Tað hevur tí onga ávirkan á føroysk fiskiskip, nú fyrivarnið er strikað.

Í løtuni hava 22 lond, sum umboða 2.718 fiskiskip yvir 24 metrar, skrivað undir Cape Town-sáttmálan.