- Tíðindi, mentan og ítróttur
Danir fáa svar um radaran fríggjadagin
Danir fáa svar um radaran fríggjadagin
Jenis av Rana, landsstýrismaður, hevur ráðført seg í Uttanlandsnevndini fyrrapartin
![](https://kvf.fo/sites/default/files/styles/grein-ovasta-mynd/public/radari.jpg?itok=5d3Qn8rS)
Jenis av Rana, landsstýrismaður, fer fríggjadagin at senda donsku myndugleikunum svar um ætlaða radaran á Sornfelli
24.03.2021 - 11:45
Danska stjórnin fær svar um eftirlitsradaran fríggjadagin.
Tað sigur Jenis av Rana, landsstýrismaður í uttanríkismálum, eftir at hann fyrrapartin hevur ráðført seg í Uttanlandsnevndini hjá løgtinginum.
Danska stjórnin hevur spurt føroyingar, um ein radari kann byggjast á Sornfelli.
Eftir ráðførsluna fyrrapartin væntar Jenis av Rana at fáa eitt skrivligt svar frá Uttanlandsnevndini seinni í dag ella í morgin, og við støði í tí fer hann at orða eitt svar til donsku stjórnina.
-Tað svarið verður sent til stjórnina fríggjadagin, sigur landsstýrismaðurin.
Jenis av Rana vil einki siga um, hvat hann fer at svara dønum. Tað má bíða, til svarið er orðað.
Nýggjastu sendingar í ÚV
Nýggjastu sendingar í SV