AstraZeneca-koppingarevni broytir navn

AstraZeneca broytir nú navn til Vaxzevria. Tað sæst á heimasíðuni hjá heilivágsstovninum í ES, EMA. Koppingarevnið hevði áður heitið "COVID-19 koppingarevni AstraZeneca."

Navnabroytingin verður eisini staðfest í svenska heilivágsstovninum. Har stendur eisini, at navnabroytingin als ikki førir við sær aðrar broytingar í vøruni.

Samskiftisstjórin hjá AstraZeneca í Norðurlondum, Jacob Lund, sigur við TV2, at tað er ikki nakað serligt við navnabroytingini, tí at arbeitt hevur verið við henni í fleiri mánaðir.