- Tíðindi, mentan og ítróttur
Søkja eftir fólki at vinda flaggið á stong
Søkja eftir fólki at vinda flaggið á stong
Tvær flaggstengur eru í Tinganesi, og á nesinum verður flaggað hvønn dag í árinum
Birgar Johannesen, sáli, hevði í mong ár til arbeiðis at vinda flaggið á stong í Tinganesi. Nú verður starvið lýst leyst
Mynd: VP.fo
31.03.2021 - 09:02
Løgmansskrivstovan søkir nú eftir fólki, sum vil vinda flaggið í Tinganesi á stong hvønn dag í árinum.
Í Tinganesi eru tvær flaggstengur, flaggstongin á sjálvum nesinum og flaggstongin á Bakkapakkhúsinum.
Á nesinum verður flaggað hvønn ársins dag.
Byrja 1. mai
Á Bakkapakkhúsinum verður flaggað minst 18 ferðir við Merkinum og átta ferðir við hinum norðurlendsku fløggunum.
Fyritøkur og einstaklingar kunnu bjóða. Tann, sum bjóðar, skal kunna byrja 1. mai í ár.
Freistin at koma við tilboði er 15. apríl klokkan 13:00.
Tann, sum hevur lægsta boð, fær svar fyri klokkan 18:00 sama dagin, altso 15. apríl.
Er kopiera
Nýggjastu sendingar í ÚV
Nýggjastu sendingar í SV
