SMS-deildin: Tvær hálvfinalur í kvøld

Tað er trýst á útiliðunum, H71 og Kyndli, undan aðru FM-hálvfinalunum móti ávíkavist StÍF og Neistanum í kvøld.

H71 tapti fyrstu hálvfinaluna móti StÍF í Hoyvík, meðan Kyndil tapti á heimavølli móti grannunum úr Neistanum. Tí mugu tey bæði liðini, sum helst taldust millum størstu favorittarnar til FM-heitið í ár, vinna á útivølli, um lív skal haldast í vónini um føroyameistaraheitið.

Megna tey tað, skulu avgerandi hálvfinalurnar spælast hóskvøldið. 

KVF stroymir hálvfinaluna millum Neistan og Kyndil frá kl. 19.50  á kvf.fo.