Fleiri avgerðir í barnaverndarmálum úr gildi aftur

Barnaverndarnevndin skal javnan eftirmeta avgerðina um umsorganaryvirtøku. Hendan eftirmeting skal leggjast fyri høvuðsbarnaverndarnevndina.

Hon metir síðani, um umstøðurnar eru broyttar, so barnið aftur kann fáa nøktandi umsorgan í heiminum.

920 virkin barnaverndarmál

Eru umstøðurnar broyttar rætta vegin, skal høvuðsbarnaverndarnevndin seta avgerðina um umsorganaryvirtøku úr gildi. Tað er hent 15 ferðir síðani 2015.

Elsebeth Mercedis Gunnleygsdóttir, landsstýriskvinna, hevur svarað spurningi frá Eyðgunn Samuelsen, løgtingskvinnu, um barnavernd.

Eyðgunn Samuelsen sigur, at sambært nýggjastu almennu tølini, sum eru frá 2019, vóru 920 barnaverndarmál virkin. Landsstýriskvinnan sigur, at arbeiðið at gera regluligar eftirlitsvitjanir á barnaverndarøkinum er byrjað.