Greina kriminalforsorgina í Føroyum

Hálvonnur millión krónur eru í donsku fíggjarlógini í ár, sum skulu brúkast til at greina, hvussu kriminialforsorgin í Føroyum kann gerast betri.

Greiningin er byrjað, og hon verður væntandi liðug fyri 1.juli.

Úrslitini verða viðgjørd í einum arbeiðsbólki, sum føroysk og donsk embætisfólk eru í, og sum danska Løgmálaráðið stýrir. 

Tað sigur Nick Hækkerup, løgmálaráðharri, í svari til Sjúrð Skaale, fólkatingsmann, sum spurdi um varðhaldið í Mjørkadali og um umstøðurnar hjá teimum, sum eru har.