Bretland: Eingin deyður í eitt samdøgur

Fyri fyrstu ferð síðani koronusmittan fór at herja, er eingin deyður av sjúkuni í Bretlandi í eitt samdøgur, skrivar bretska kringvarpið, BBC.

Bretland er millum londini, sum eru komin longst við at koppseta fólk fyri koronu, og trý av fýra fólkum í Bretlandi, yvir 18 ár, eru koppsett.

Av tí sama er talið av deyðum minkað munandi seinastu mánaðirnar. Higartil eru 127.782 fólk í Bretlandi deyð av koronu, síðani í mars í fjør.