Fakfeløg átala ætlanina at leggja uppí

Fakfeløg átala ætlanina at leggja uppí
Hetta er álop á alla fakfelagsrørsluna og fría samráðingarrættin, sigur Fakfelagssamstarvið í niðurstøðu
Fakfelagssamstarvið hevur havt fund um støðuna fyrrapartin. Feløgini siga, at ætlanin hjá landsstýrinum er eitt álop á alla fakfelagsrørsluna
 
15.06.2021 - 10:42

Fakfelagssamstarvið átalar ætlanina hjá landsstýrismanninum í arbeiðsmarknaðarmálum at lóggeva undantøk í Almannaverkinum, tá verkfall er.

Hetta er eitt álop á alla fakfelagsrørsluna og á fría samráðingarrættin. At lóggeva sjálvan rættin at fara í verkfall frá fakfeløgunum, er at broyta sjálvt grundarlagið fyri sáttmálasamráðingum, sigur Fakfelagssamstarvið í niðurstøðu frá fundinum í morgun.

Fakfelagssamstarvið sigur í niðurstøðuni:

Fakfelagsrørslan er ein hornasteinur í vælferðarsamfelagnum, og hevur tryggjað vanliga borgaranum tey livikorð, tær arbeiðstreytir og vælferðarskipanir, ið eru.

Inntrivið er óneyðugt

Tað er okkum heilt greitt, at hetta uppskot hevur ligið klárt frammanundan. Vit hava áður hoyrt um tað, men hava valt at latið ivan komið landsstýrinum til góðar. Tíverri vísir tað seg, at álitið varð svikið. Tí longu á fyrsta verkfalsdegi nýtir landsstýrismaðurin høvið at leggja uppskotið fram.

Vit hava longu frammanundan fyriskipanir, ið kunnu loysa tílíkar avbjóðingar í sáttmálaósemjum, eitt nú Semingslógina og Fasta Gerðarrættin.

Fakfeløgini geva støðugt undantøk í verkføllum, tá lív og heilsa eru í váða. Hetta er eisini gjørt í hesi ósemjuni, tí er inntrivið heilt óneyðugt.

Álop á fakfelagsrørsluna

Kemur hetta uppskotið í tingið, er hetta eitt beinleiðis álop á alla fakfelagsrørsluna. Tá verður hetta sostatt ikki longur ein ósemja millum Fíggjarmálaráðið, Kommunala Arbeiðsgevarafelagið og eitt fakfelag, men ein ósemja við alt Fakfelagssamstarvið.

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592