- Tíðindi, mentan og ítróttur
Latið verður upp fyri náttarlívi og summarstevnum
![](https://kvf.fo/sites/default/files/styles/grein-ovasta-mynd/public/vlcsnap-2021-06-09-10h06m15s384.png?itok=1PPJVePF)
Løgmaður boðaði frá í gjárkvøldið, at nú kunnu náttarlívið og summarstevnurnar so smátt fara í gongd aftur.
Hann segði, at tað heldur heilsufakligi myndugleikin, sum hesa vikuna hevur viðgjørt koronustøðuna.
Mett verður ráðiligt, at náttarlív og summarstevnur varisliga, og undir skipaðum umstøðum, kunnu byrja aftur.
Halda fast við kanningar
Hildið verið fast um kravdu kanningina við komu til Føroya, og at fólk lata seg kanna aftur fjórða dag eftir komuna.
Framvegis verður staðiliga heitt á øll, sum koma til Føroya, men ikki eru koppsett, um at vera sera varin, til kanningina á fjórða degi.
Og løgmaður sigur eisini, at skilagott er, at fólk lata seg kanna, áðrenn tey fara til størri privat ella alment tiltak.
Heilsufakligi mynduleikin heldur framvegis ikki, at tað er ráðiligt at fyriskipa festivalar.