Føroyingur í stýrið fyri Fíggjareftirlitið

Fíggjareftirlitið hevur fingið ein føroyskan stýrislim. 

Tað er Martin Zachariasen, rektari á  KT-universitetinum, sum er valdur í stýrið av danska vinnumálaráðharranum, Simon Kollerup.

Tað boðar Fíggjareftirlitið frá á heimasíðu síni. 

Martin Zachariasen starvasy sum rektari á KT-Universitetinum í Danmark. Hann hevur meira enn 20 ára royndir við gransking og undirvísing á universitetsstigi og 10 ára leiðsluroyndir í universitetsheiminum. 

Ein góður førleiki

Og hansara førleikar innan KT verður mettir sum ein styrki í nýggja starvinum. 

- Vit fegnast um, at Martin Tvede Zachariasen kemur í stýrið hjá Fíggjareftirlitinum. Hann hevur innlit í dátugreiningar og netváðar. Hetta eru økir, sum fáa alsamt størri týdning hjá Fíggjareftirlitinum hava førleikar í. Tí er hann tað heilt rætta valið, sigur Nina Dietz Legind, stýrisforkvinna í Fíggjareftirlinum. 

Martin Zachariasen er uppvaksin í Hoyvík og kandidatur, ph.d. og doktari í KT-tøkni frá lærda háskúlanum í Keypmannahavn. Harumframt hevur hann ein master í Public Governance frá CBS.

Martin Zachariasen tekur við nevndarsessinum 1. juli.