Nýggir skúlastjórar á Argjahamri og Meginskúlanum

Marin Sigvaldsdóttir Bláberg er sett í starvið sum skúlastjóri í Skúlanum á Argjahamri. 

Hon hevur í trý ár verið skúlastjóri í Vestmanna, og hon hevur eisini verið fyrstilærari í Hvalvík.

Marin Sigvaldsdóttir Bláberg er 47 ára gomul. Hon tók læraraprógv í 2003 og hevur tikið diplomútbúgving í námsfrøðiligari leiðslu á Fróðskaparsetrinum.

Hon byrjar í Skúlanum á Argjahamri tann 1.august.

Jacqueline Lundgaard Benzon er sett í starv sum skúlastjóri í Sandoyar Meginskúla. Jacqueline er 59 ára gomul og tók læraraprógv í 1993. Umframt ymisk eftirútbúgvingarskeið hevur hon tikið útbúgving í námsfrøðiligari leiðslu.

Jacqueline hevur drúgvar royndir at undirvísa eins og royndir í leiðslu. Hon hevur verið varaskúlastjóri í Sandoyar Meginskúla síðan 2013, og hevur seinastu tvey skúlaárini starvast sum virkandi skúlastjóri. Eisini hevur hon røkt starvið sum skúlabókavørður í skúlabókasavninum í Sandoyar Meginskúla.

Jacqueline Lundgaard Benzon tekur við starvinum sum skúlastjóri í Sandoyar Meginskúla tann 1. august 2021.

Jacqueline Lundgaard Benzon