Jóhan á Plógv Hansen til OL

01.07.2021 - 17:42
ÍtrótturHondbóltur
Jóhan á Plógv Hansen til OL
Jóhan á Plógv Hansen er úttikin til danska A-landsliðið í hondbólti, sum í næstum skal vera við á olympisku leikunum í Tokyo
 

Nú er greitt, at Sverri Sandberg Nielsen ikki verður einasti føroyingur, sum skal luttaka í olympisku leikunum í Tokyo. 

Jóhan á Plógv Hansen er úttikin til danska A-landsliðið í hondbólti, sum eisini luttekur.

Landsliðsvenjarin Nikolaj Jacobsen hevur í dag minkað bruttohópin úr 19 niður í 14 spælarar, sum verður endaligi OL-hópurin hjá Danmark. 

Og millum teir 14 er Jóhan á Plógv Hansen, sum higartil hevur spælt 43 A-landsdystir fyri Danmark.

 

Verandi OL-vinnarar

Danska landsliðið skal venja í Helsingør 5. til 12. juli, og 14. juli gongur leiðin so til Okinawa í Japan, har liðið skal á venjingarlegu.

Fyrsti dysturin hjá Danmark í OL verður leygardagin 24. juli klokkan 13.30 føroyska tíð móti Japan. Síðani verður spælt annan hvønn dag í innleiðandi bólkinum, har hini mótstøðuliðini eru Egyptaland, Bahrain, Portugal og Svøríki. Síðani verða fjórðingsfinalur 3. august, hálvfinalur 5. august og so bronsufinala og sjálv finalan 7. august.

Donsku hondbóltsmenninir vunnu gull á seinastu olympiaduni, sum var í Rio de Janeiro í 2016. 

Umframt Jóhan á Plógv Hansen skal ein annar føroyingur, rógvarin Sverri Sandberg Nielsen, eisini umboða Danmark á olympisku leikunum í ár.

Er kopiera
Nýggjastu sendingar í ÚV
Leygardag 28. mai
Morgunlestur leygardagur 28.mai 2022
139982
Fríggjadag 27. mai
Nón 27. mai 2022
140205
Fríggjadag 27. mai
Grønt orkuskifti og kvinnur í politikki
140184
Fríggjadag 27. mai
Góðan morgun Føroyar 27.05.2022
140183
Fríggjadag 27. mai
Morgunlestur fríggjadagur 27.mai 2022
139981
Nýggjastu sendingar í SV
Hósdag 26. mai
Guðstænasta úr Miðvágs kirkju
140163
Hósdag 26. mai
Sært tú meg 3:3
140155
Hósdag 26. mai
Andakt við Emil Olsen
140162
Mánadag 23. mai
3-2
140037
Sunnudag 22. mai
Andakt við Andriasi Magnussen
139968