Pfizer/BionTech-koppingarevni forðar ikki Delta

Delta-frábrigdið av koronavirusinum ger um seg í Ísrael, har 56 prosent av fólkunum eru liðugt koppsett. 

Ísraelsku heilsumyndugleikarnir hava staðfest, Pfizer/BionTech-koppingarevnið verjir ikki fyri, at fólk verða smittað av delta-frábrigdinum

Síðani sætta juni er virknið av koppingarevninum, tá tað snýr seg um smittu, minkað niður í 64,4 prosent. - Í februar var virknið mett til 95,8 prosent, sambært ísraelska heilsumálaráðnum.

56 prosent av fólkinum í Ísrael eru nú liðugt koppsett, - flestu við Pfizer/BionTech-koppingarevninum. Men koppingarevnið forðar ikki fyri, at smittan spjaðir seg aftur við nógvari ferð.

Men 93 prosent av teimum, sum verða smittað, kunnu tó takka koppsetingini fyri, at tey ikki gerast álvarsliga sjúk og enda á sjúkrahúsi, - hetta talið var 99 prosent í februar. 

Sunnudagin vórðu 334 nýggir smittutilburðir staðfestir í Ísrael, flestu teirra vóru ung fólk. 

Seinast, at fleiri enn 300 hava fingið staðfest koronu í Ísrael, var tíðliga í februar.