- Tíðindi, mentan og ítróttur
OL verður uttan áskoðarar
![](https://kvf.fo/sites/default/files/styles/grein-ovasta-mynd/public/sverri_sandberg.jpg?itok=kFADlTG_)
Avgerðin at sýta áskoðarum atgongd er tikin av japanska ráðharranum fyri Olympisku Leikirnar, Tamayo Marukawa, eftir samráðingar við embætisfólk hjá altjóðu olympisku nevndini og fyrireikararnar.
Fyrr í morgun boðaði australski tennisleikarin, Nicolas Kyrgios frá, at hann nú ikki fer at kappast á olympisku leikunum, millum annað tí, at hann ikki vil spæla á tómum leikvøllum.
Heilsumálaráðharrin í Japan, Norihisa Tamura, sigur tó sambært Reuters, at hann harmast vegna ítróttarfólki, men avgerðin er røtt.
"Til allar áskoðarar, verið heima til olympisku leikirnar, og njóti tiltakið heima saman við familjum tykkara," segði hann á tíðindafundi í morgun okkara tíð.
Fyrireikararnir hava drigist við lítla almenna undirtøku millum íbúgvarnar í Tokyo, fyri at fyriskipa leikunum.
Ein meiningarkanning vísti herfyri, at 35% av fólkunum Japan vóru fyri at banna øllum áskoðarum til leikirnar, 26% vóru fyri avmarkaðum áskoðaratali, meðan 34% vildu hava leikirnar avlýstar ella útsettar, skrivar Reuters.