Útlendingar skulu søkja um loyvi at keypa hús í Føroyum

30.07.2021 - 16:03
AktueltPolitikkur
Útlendingar skulu søkja um loyvi at keypa hús í Føroyum
Skipanin verður galdandi fyri persónar ella feløg, sum ikki hava fastan bústað, ella ikki hava búð í Føroyum í tilsamans fimm ár
Øll, sum búgva fast í Føroyum, kunnu keypa fasta ogn, men útlendingar skulu søkja um loyvi at keypa eftir serligum reglum, ætlar landsstýrið.
Mynd: Savnsmynd  
 

Nú skulu útlendingar søkja um loyvi at keypa hús í Føroyum.

Tað segði løgmaður í ólavsøkurøðuni. 

Skipanin fer at leggja upp til, at øll, sum búgva fast í Føroyum - sama hvat tjóðskapurin er - kunnu keypa fastogn, uttan at søkja loyvi frammanundan.

Men loyvisskipanin hevur við sær, at persónar ella feløg, sum ikki hava fastan bústað í Føroyum, og sum heldur ikki hava búð í landinum í samanlagt fimm ár, skulu søkja landsstýrið um loyvi at keypa, ella á annan hátt ogna sær fastogn í Føroyum.

Vilja finna javnvág

Landsstýrið sigur seg vilja finna eina javnvág ímillum, at útlendingar hava rímiligan møguleika at keypa fastogn í landinum, og tað, at útlendskur ognarrættur til fastogn í Føroyum, ella í ávísum økjum í landinum, ikki verður ov stórur. 

Nýggja lógin skal ikki seta óneyðugar forðingar fyri útlendskum vinnuvirksemi í Føroyum.

Uppskot um løgtingslóg at keypa fastogn í Føroyum er gjørt, og hevur verið til ummælis hjá viðkomandi pørtum. Ætlanin er at leggja uppskotið fyri Løgtingið eftir ólavsøku, sigur løgmaður í fylgiskjali til ólavsøkurøðuna. 
 

Er kopiera

Sí eisini

Nýggjastu sendingar í ÚV
Mánadag 20. september
Við Tórði á túri eftir havhestaungum
128821
Mánadag 20. september
Nón 20. september 2021
128818
Mánadag 20. september
Norðurljóð 20. september 2021
128718
Mánadag 20. september
#sparkakrákunaút
128806
Nýggjastu sendingar í SV
Mánadag 20. september
3-2
128833
Mánadag 20. september
VIDEO: Rundtúrur umborð á Jákupi Sverra
128807
Sunnudag 19. september
Guðstænasta úr Gøtu kirkju.
128771
Sunnudag 19. september
Andakt við Jógvan Zachariassen
128767
Fríggjadag 17. september
RagnarRokk Reyp 23.september 2021
128699