Fýra dagar í Landsrættinum

Eystari landsrættur hevur sett av fýra dagar í viku 35, vikuni, sum byrjar 30. august, til eitt mál um kynsliga misnýtslu.

Føroya rættur dømdi 30.mars ein 42 ára gamlan mann trý ára fongsulsrevsing fyri at hava kynsliga misnýtt tríggjar dreingir í hálvt triðja ár, frá 2017 til desember 2019.

Maðurin varð funnin sekur í øllum 11 ákærum, sum eisini umfata barnaporno, at hava keypt rúsdrekka til børn undir 18 ár, og at hava havt tjóvagóðs um hendi.

Kravdi harðari dóm

Ákæruvaldið kravdi forvaring, trygdarvarðhald, ella átta ára fongsul.

Ákærdi játtaði seg sekan ella partvís sekan í níggju av teimum 11 ákærunum

Ákæruvaldið heldur, at trý ár eru ov lítið, og ætlar tí at royna málið í Landsrættinum. 

Verjin hjá manninum heldur, at ein hóskandi revsing er hálvt triðja til trý ár.

Maðurin hevur sitið í varðhaldi síðani í desember 2019.

Eystari landsrættur kemur til Føroya í næstu viku.