Fleiri harðskapsmál

Nógv fólk var í býnum í Havn í nátt, og politiið varð í fleiri førum boðsent, tí fólk vóru komin til ilnar.

Um hálvgum trý tíðina fór politiið eftir einum manni, sum hevði sligið ein vakt á einum skeinkistaði og ein annan persón. Sostatt er talan um tvey harðskapsmál hjá manninum, sum framvegis situr í varðhaldi hjá politinum.

Góðan hálvan tíma seinni vóru aftur boð eftir politinum til eitt annað skeinkistað í býnum, har ein maður varð sligin, og hevði brotið fleiri tenn.

Og um hálvgum fimm tíðina breyt ein annar maður eina tonn, tá hann varð sligin uttan fyri eina pitsamatstovu, verður sagt frá løgregluni í morgun.