Stórtingsval: Triðihvør velur annan flokk enn seinast

Stórtingsval: Triðihvør velur annan flokk enn seinast
Ein kanning, sum TV2 hevur latið gera, vísir, at 836.000 norðmenn fara at velja øðrvisi í dag enn í 2017
Erna Solberg, forsætisráðharri, á vali. Veljarakanningar visa, at Høgriflokkurin hjá henni missir fimm prosent av atkvøðunum á stórtingsvalinum í dag.
 
13.09.2021 - 16:10

Í minsta lagi triðihvør veljari í Noregi fer at velja øðrvísi í dag, enn á valinum seinast.

Tað vísir ein kanning, sum ABC Nyheter hevur gjørt.

31 prosent av teimum spurdu siga seg fara at velja ein annan flokk enn seinast, 42 prosent siga seg fara at velja sama flokk, og 13 prosent siga seg ikki hava tikið endaliga støðu.

Tey flestu velja Senterflokkin

Eftir kanningini er tað Senterflokkurin, sum fær flestar atkvøður frá øðrum flokkum. Meira enn annarhvør, sum ætlar at velja Senterflokkin hesaferð, valdi ein annan flokk seinast.

Í Høgraflokkinum hjá Ernu Solberg eru tað bert 13 prosent, sum siga seg hava valt ein annan flokk seinast. 70 prosent av teimum, sum valdu flokkin seinast, siga seg fara at velja flokkin aftur í dag. Kanningar benda á, at Høgriflokkurin fer at missa fimm prosentstig samanborið við valið í 2017.

836.000 velja øðrvísi

Ein kanning, sum norska TV2 hevur gjørt, vísir, at 836.000 norðmenn siga seg at fara at velja ein annan flokk, enn teir gjørdu seinast.

Og líkt er til, at Arbeiðaraflokkurin fær væl burtur úr tí, hóast flokkurin fær afturgongd.

Av tí at Senterflokkurin fær stóra framgongd, so er líkt til, at Jonas Gahr Støre, formaður í Arbeiðaraflokkinum, fer at skipa stjórn saman við Senterflokkinum og Sosialistiska Vinstraflokkinum.

Flokkarnir fáa tilsamans 85 av teimum 169 limunum í Stórtinginum.

 

Er kopiera
Nýggjastu sendingar í ÚV
Leygardag 21. november
Jambalaja - 211126
216767
Leygardag 21. november
Upp á tá - 201126
216763
Fríggjadag 20. november
Vikuskiftið 20 nov 2026
216752
Fríggjadag 20. november
LEITISSTEIN 20.11.2026 (Linda Andrews)
216750
Nýggjastu sendingar í SV
Fríggjadag 20. november
Dagur og vika - teknmálstulkað
216714
Fríggjadag 20. november
Veðrið
216748
Hósdag 19. november
Veðrið
216688
Hósdag 19. november
Silja millum strokini
216631
Mikudag 18. november
Dagur og vika - teknmálstulkað
216592