Treytaleysa fongsulsrevsing í 21 mánaðir

Maðurin, sum var ákærdur fyri samlegu við sína egnu dóttur, er fríkendur fyri ta ákæruna.

Føroya rættur hevur tó dømt mannin fyri onnur brot, sum hann var ákærdur fyri.

Maðurin, sum er 32 ár, fekk eitt ár og níggju mánaða treytaleysa fongsulsrevsing.

Kravdi trygdarvarðhald ella fongsul

Ákæruvaldið kravdi forvaring, trygdarvarðhald, ella ikki minni enn fimm og hálvt ára fongsul.

Maðurin hevur longu sitið 11 mánaðir í varðhaldi.

Hann varð tikin 12.oktober í fjør, tá hann kom til Havnar við Norrønu. Hann varð tikin, tí hann royndi at smugla hash. Talan var um 21 og hálvt gramm.

Ákæruvaldið hevur ikki avgjørt enn, um dómurin skal skjótast inn fyri Landsrættin.